咖啡除了咖啡豆不同種類，咖啡沖煮方法都一樣有好多種。·係香港，比較常見的就是‘義式咖啡’，即係‘Espresso’。而平時常見既Latte，Cappuccino，Mocha等等既咖啡都係用義式咖啡所演變出黎。除咗義式咖啡之外，你又認識幾多咖啡種類呢？
土耳其咖啡，相信鍾意咖啡嘅你應該對呢款咖啡有一定嘅印象。土耳其咖啡係透過長柄銅製咖啡壺沖煮。通常係喺壺入面加入熱水，咖啡粉同糖，然後分次同用唔同方法加熱咖啡。其中最常見既就係喺熱沙上面加熱咖啡。土耳其咖啡比較特別嘅係唔會經過過濾，所以入口係依然會有咖啡粉，口感濃郁飽滿。
除此之外，原來飲完土耳其咖啡之後，係杯入面既咖啡渣仲可以用作占卜！通常係根據杯裡面既咖啡渣所形成嘅圖案算命。